Fyritøkan bleiv sett á stovn 1/8-1987, tað var Thorfinn Nielsen, ið setti fyritøkuna á stovn, saman við konu síni, Jórun Nielsen. Fyritøkan byrjaði sum ein privat fyritøka. Thorfinn var einasti elektrikkari í fyritøkuni, afturat sær hevði hann Jórun, ið førdi bókhald.

​

     Í 1988 bleiv felagið gjørt til smápartafelag, tað fekk navnið Sp/f Thorfinn Nielsen.

Fyrsti lærlingurin varð settur um 1000ára skiftið. Fyritøkan helt til heima í kjallaranum hjá Thorfinn og Jórun, frá at hon bleiv stovnað í 1987, har nógv virksemi hevur verið tey knapt 25 árini. 

     Í Mai 2012 var nýggi bygningurin inni á Hillingartanga klárur at flyta inn í. Umstøðurnar vórðu nógv broyttar: Munandi størri verkstað og hølir annars. Harumframt lótu vit ein nýggjan handil upp við hvítvørum, búnýti og tólum, sum hevur manglað her í oynni.

​

    Tað hava ígjøgnum tíðina verið  millum 8-10 ársverk  hjá Thorfinn Nielsen. Tey seinastu árini heldur fyritøkan framm við at vaksa og í løtuni eru 26 fólk í starvi hjá okkum.